在《無間道II》一片中飾演少年梁朝偉的余文樂，可能因扮得卧底多，練到槍法如神，日前余文樂在九龍灣試玩室內wargame時，他這位元朗業餘野戰隊成員槍法竟技驚四座，十發子彈八發中。
余文樂在《無間道II》一片中飾演卧底神探少年梁朝偉一角，不知是否兩度接演《無間道》的關係，阿樂的槍法相當不錯，日前他在位於九龍灣的PaintballHeadquarters試玩室內wargame時，阿樂揸氣槍射汽水罐，射出十發子彈竟命中七至八發，就連在場的職員也大讚：「佢射得好準，好少人可以咁㗎。」
當日阿樂在職員指導下，戴上整套Paintball（彩彈）武裝，看起來有型有款，加上其槍法又準，難怪阿樂笑說：「我可以走入銀行打劫㗎啦。」
其實阿樂一向喜歡玩wargame，在元朗長大的他，也是業餘野戰隊的成員，他解釋說：「我同成班朋友組成FP隊，FP係元朗錦綉花園嘅英文簡寫，我有好多朋友以前都住喺錦綉花園，我哋得閒就會聚埋一齊玩wargame，我都有儲齊wargame嘅裝備，槍同衫都有，加埋都買咗成四、五千蚊。」
平日阿樂多數玩BB彈，被擊中後不會有顏料濺出，首次玩Paintball的他說：「打wargame就比較辛苦，要通山走，所以我通常都係冬天至約朋友出去玩，而玩Paintball就喺室內，有冷氣就梗係舒服啲啦，下次我都會約啲朋友一齊玩吓Paintball嘅。」
採訪：王連連 攝影：仇志德
