盧巧音（Candy）近日積極籌備最新唱片，日前在油麻地一間家具店拍攝新歌《逆插玫瑰》MV，當日Candy由傍晚拍至凌晨。
其間Candy在家具店發現那裏的擺設非常特別，頓時挑起女性購物狂的慾望，瞬間已購入近千元的擺設，包括有火柴形火機、燭台及她最喜愛的貓貓月曆。Candy付款後即伸伸脷說：「弊傢伙！我又買咗好多嘢，啲擺設好得意，加上下年準備搬屋，咪買定啲囉。」
另外，Candy又表示希望下年能實現多年來出書的願望，她說：「本書內容主要想深入啲講我嘅家庭、工作。」至於兩位在她生命中出現的男人謝霆鋒及余文樂，Candy會否在書中提到？她說：「梗係提霆鋒呀嘛！佢係我朋友吖嘛。」會否提余文樂？她說：「感情就未必講嘞！當時嘅心情亦唔會講，過去咗嘅嘢已經忘記咗。」