黃泆潼近日接拍了一個內衣廣告，穿上性感內衣進行拍攝工作。原來黃泆潼最不滿意自己的大腿，她表示選港姐時選錯內褲，結果脂肪向下谷，經穿着矯形內衣後，情況才得以改善。
近日和鄭中基傳緋聞的黃泆潼，近日為葆露絲內衣拍攝新一輯廣告，她已是第二年任代言人，酬金約有六位數字。她亦很滿意現在的三圍32C、23和34，並希望這些性感照片為她帶來美好的回憶。
日前問黃泆潼最不滿意自己身體那部份，她在電話訪問中說：「我九九年選港姐，大腿部份好肥，因為我揀錯咗着啲好窄嘅內褲，結果令到大腿嘅脂肪向下走，但我試着咗矯形內衣，着番啲冇咁窄嘅內褲，大腿脂肪便唔會向下谷，大髀重瘦咗兩吋，𠵱家我好滿意自己嘅身形。」
黃泆潼表示不少女士以為胸部未夠豐滿，穿衣時都喜歡加墊，但其實這樣做對胸部發展有反效果，黃泆潼說：「因為一旦喺胸部加咗墊，令到胸部嘅脂肪受壓，會影響發育。我就從來唔會選擇戴有墊嘅胸圍，一定會真材實料示人。」
每季黃泆潼都會花數千元添置內衣，她說：「我有時都會去日本入貨，我覺得選擇到合適嘅內衣，可以着到好長嘅時間。
「另外我鍾意買埋一套同圖案嘅內衣，着起上嚟都開心啲。」為了保持曲線體形，黃泆潼很注重飲食均衡，她說：「我平時食嘢好揀擇，我盡量唔食澱粉質嘅食物，同埋以清淡為主。」
採訪：比華利
