太極樂隊的主音歌手雷有暉最近新居入伙，他自言未有能力像學友一樣做全職「湊仔公」，需要家庭和事業兩兼顧，所以其新居的設計亦特意配合，以求家居和工作二合一，既可在家作曲，又能和兒子夾band敍天倫。
太極樂隊主音歌手雷有暉（Patrick）上月遷入何文田一層一千二百呎三房兩廳的新居，Patrick還購入中西合璧的藤器家具，非常有心思！
拍攝當日，Patrick和兒子雷瑋陶（Matt）在新居的工作間夾band，盡享天倫樂。
Patrick自言最想做個「湊仔公」，他說：「我𠵱家已經過晒去蒲嘅階段，我都想好似張學友咁喺屋企湊仔，但既然環境唔許可，咪盡量將屋企同工作可以合二為一囉！」
Patrick一直參與監製、作曲以及和音工作，近年更開始授徒教唱歌，樂壇新人趙頌茹（阿Yu）和二人男子組合Boy'Z便是其徒弟。
早前Patrick更撮合阿Yu與多年兄弟兼太極隊友鄧建明（Joey）合唱《發奮》一曲，他說：「阿Yu其實好有潛質做一線天后㗎，佢好勤力令自己不斷進步。Boy’Z就好好玩，睇番佢哋會幾有共鳴，不過佢哋連煙都唔食，呢樣就乖過我好多。」
Patrick透露年底將推出其首張個人大碟，由樂隊主音變作獨立歌手，Patrick難免會有孤單感覺，但另一方面卻多了一份新鮮感，他說：「新唱片好多嘢我都會自己做番，最初都好似無從入手咁，不過班兄弟都好支持我，Joey重主動話幫我彈結他。」
採訪：卓美娟 攝影：何國豪
