火紅T恤綻放流星雨
關心妍DIY小工廠曝光

關心妍（Jade）向來慳家，雖然她在置裝時大灑金錢，但為了擁有獨一無二的衣服，她會在朋友開設的時裝店內，把T恤及布鞋鑲珠仔、打鉚釘或做彩繪，大搞DIY，而阿Jade還即席彩筆一揮，掃出一件「流星雨」T恤。

關心妍（Jade）認識一位開設時裝店的朋友，對方喜歡從美國、泰國及加拿大等地搜羅各款米奇T恤、Converse布鞋、古着恤衫及精品等等，之後再經DIY加工，由店主親自裝嵌七彩的假寶石或珠片，又或打鉚釘，製造出獨一無二的精品。而阿Jade就由起初交由朋友代製衣服，演變至對DIY興趣盎然，故她也不時會到友人店中，落手落腳自製T恤。

畫十分鐘完成
日前阿Jade在該朋友位於銅鑼灣的時裝店內，動手搞DIYT恤，阿Jade用心地以衣服彩繪專用的顏料，用畫筆輕輕掃在一件紅色T恤上，她自行塗鴉一番，大約十分鐘後便大功告成，她笑說：「我呢幅叫做流星雨，似唔似呀？」阿Jade又不禁呢喃道：「呢個世界好公平嘅，我一啲畫公仔嘅天份都冇，我嘅天份都去晒唱歌度。」

打鉚釘手都震
阿Jade亦親手在T恤及布鞋上打鉚釘和鑲彩石，但其手工非常慢，左度右度才對準位置「落手」，她表示早前曾在一件T恤上，鑲上近二百顆小彩石，結果前後花了八個小時才完工，搞到她幾乎手震，阿Jade笑說：「我嗰次整件HelloKittyT恤，由晏晝四點搞到半夜十二點，我前後都做過三件完成品，啲手工係一啲都唔容易，真係好吃力，呢啲氣力都係留番畀我朋友花啦。」
早前阿Jade亦曾在公開活動上，穿上自製T恤，曝光後她便會將衣服放回店中，作二手衫寄賣，價錢大概數百元一件，看來阿Jade的確很慳家。
採訪：朱倬誼
攝影：仇志德
場地：Gugu