二人女子組合Twins的鍾欣桐（阿嬌）與蔡卓妍（阿Sa）穿衣之道在乎自然，所以她們出席公開場合，都喜歡穿着顏色鮮豔的便服。其中阿Sa愛以眼鏡配襯衣服，而阿嬌則愛花時間在指甲上。
女子組合Twins的阿Sa和阿嬌出席大大小小的公開場合，都喜歡穿顏色鮮豔的T恤、小背心、短裙和牛仔褲等，而阿Sa自從電了一個爆炸頭後，最愛配襯一副特色眼鏡。
阿Sa說：「我由細到大都好鍾意買眼鏡，可能因為我有近視啦！𠵱家已經有成百幾副眼鏡，全部都係用嚟襯衫，其中有一副好特別，係古董眼鏡，旅行嗰時買，得一塊鏡同一支棒，要用手拎住嚟睇嘢。」
愛以眼鏡襯衫的確是阿Sa的強項，早前她出席記者會時，便戴了一副購自Joyce的紫色鏡框太陽眼鏡示人，襯以同色系T恤、黑色牛仔褲和她的新寵黑色adidas波鞋。
至於阿嬌，平時最喜歡佩戴小飾物，好似耳環和手鏈等，又喜歡修甲，塗上閃亮指甲油，她說：「每隔一段時間就要修甲，因為我唔修就會好乾同好多倒刺。至於指甲油就冇話特別鍾意乜嘢顏色，到時鍾意乜嘢色就髹乜顏色，唔會跟風。」
採訪：楊潔雯
攝影：陳慧安
