八方噚日收到思捷（Esprit）嘅年報，呢本年報相當精美，搞到好似時裝雜誌一樣，裏面所有嘢都冇少到，淨係一樣嘢例外，就係公司董事嘅酬金，最高薪酬人士年薪由上年度嘅一億五千八百萬，大幅減少至三千五百萬，減幅達七成八！
若依正常估計，呢位最高薪者應係思捷主席邢李㷧，即係大美人林青霞嘅老公，照計佢冇理由專登減自己人工，但之後諗起，邢生去年透過行使認股權換股再減持股份，套現億億聲，應計入薪酬內，今年冇囉，所以回復正常。有位小妹妹問八方，若邢生收入真係大減，咁到底林美人使唔使慳啲使，唔好買咁多靚衫呢？儍啦，邢生啱啱沽股票套現十億，林美人買幾多靚衫都冇問題啦。
傳真︰2623-9278
電郵︰