英皇3T中的劉思惠（Maggie）和蔣雅文（Mandy）雖然感情要好，但衣着品味卻截然不同。Maggie身材高䠷有型，以短裙襯今季最IN的襪套就最fit；Mandy則給人鄰家女孩感覺，戴上自己設計的馬仔頸鏈，少女feel滿瀉。
英皇3T中的Maggie和Mandy每季都要花上數萬元來置裝，但兩人的衣着打扮及品味卻截然不同。外形一向較cool的Maggie有一雙修長美腿，自然就會毫不吝嗇地選擇穿上一些突出腿形的短裙或貼身牛仔褲，而Maggie亦會因應當日心情來選擇穿裙抑或褲子。
日前Maggie就以一條LoveRabby短裙襯以今年大熱的喱士襪套，再配以Dior頸鏈及Rolex手表，跟得上潮流之餘，又不失女人味，她說：「今年興啲襪套同魚網絲襪，所以我都買咗好多嚟襯衫，好似我今次就用黑色喱士襪套加對D-mop鞋嚟襯條裙，咁會有型啲同靚啲，如果又用長boots嚟襯就會好悶。」
至於一向給人鄰家少女感覺的Mandy，選擇衣服時並不會着重牌子，反而喜歡作日本少女式的打扮，因為既可以趕上潮流，亦具青春氣息，她說：「我嘅衣着打扮比起Maggie會小朋友啲，好似呢件喺日本買嘅黃色衫，其實我買咗好耐，但一直搵唔到一件心水打底衫嚟襯，好彩終於俾我搵到件彩虹色打底衫，可愛得嚟又唔怕走光。」
不過Mandy打扮最特別之處是會加入個人設計，日前她佩戴的駿馬頸鏈就是出自她的手筆然後訂做，所以全港就只有一條。而她所戴的白兔毛水晶手鏈則十分罕見，故她一見就立即買下，並以一條旺桃花的心形粉紅水晶手鏈陪襯。
採訪：駱華齡
攝影：甄朝健
