恒隆集團主席、有商界拿破崙之稱（係指身形）嘅陳啟宗每年都喺年報發表偉論，噚日呢份年報已上網，當然要睇吓Ronnie點樣指點江山。
今年，陳啟宗當然講樓市，認為樓市旺市不旺價；至於興建酒店熱，陳氏懷疑呢類改變用途建成嘅酒店後果回報微薄，部份只想將物業變為共用寓所然後出售，但政府可能堵塞此漏洞。
最重要嘅係展望，梗係無一例外，陳啟宗用大部份篇幅挺董，認為八萬五政策非樓市大跌元兇，董特首嘅反應也非太慢，只係要喺「非理性及非知情之聲音」間求取平衡咁話。最後才係頂癮處，陳主席話：「希望過去數年抱錯誤見解嘅立法會議員，今後能有較佳之表現。」咁老董嘅表現又點？朗尼．陳咁識撈，抵佢同俾西方左派稱為國際政治犯嘅基辛格係老友咯。
傳真︰2623-9278
電郵︰