珠寶設計師張王幼倫在中環遮打大廈開設Carnet珠寶店，昨日由名模陳嘉容及何穎雯示範珠寶首飾。何穎雯表示婚後只會以玩票性質行騷。
嘉頓新抱、珠寶設計師張王幼倫在中環遮打大廈開設Carnet珠寶店，昨日請來名模陳嘉容（Eunis）及久未露面的何穎雯示範珠寶首飾。
張王幼倫的珠寶店面積約二百呎，設計以「首飾盒」為概念，並請來著名建築師EdwardTuttle設計，以紫色為主色調，由地板到天花都鋪上特別木料，營造東方色彩。
問張王幼倫新店投資額多少？她說：「重未計數，不過珠寶價錢由二萬至二百萬。我嘅首飾以大自然為主題，風格集古典與摩登於一身，好重視流線型同手工，希望二十歲至六十歲嘅人都啱戴。」她更表示每款設計均已註冊防抄襲。
何穎雯示範其中一組以花為題的藍寶、鑽石首飾，婚後的她表示已年半沒有參與模特兒工作，她說：「太耐冇對住鏡頭，個人好緊張，好耐冇化妝，有啲生手㖭，我都覺得自己唔係好得。」
問何穎雯今次是否酬勞可觀，吸引她復工？她說：「今次係幫手，冇錢，冇珠寶㗎！其實婚後忙緊做製作公司嘅project，今日都係請假咋！初時都有人搵我做modeling工作，推得多，𠵱家都冇人敢再搵我啦。」她表示希望半年後開始造人計劃。
採訪：JessicaNgan
攝影：EdwardChou
