超級「魚腩」作客必捧對家

超級魚腩騎士是去季的包尾大幡，全季僅取得十七場勝仗，其盤路表現亦同樣不濟，主場贏盤率只有四成半，客途贏盤率更差，只得約三成八，如果醒目長捧其作客對家確實賺唔少。
由於騎士是隊超級魚腩，上季在客途上不乏受讓至十多分的高水盤口，其中尤以作客小馬的一戰最為經典，主隊讓到破紀錄的十七分半，不少波友抵受不住這誘惑，選擇博騎士輸波贏盤，點知小馬最終大勝二十一分，贏波又贏盤。

受讓幾多都冇用
事實上，在騎士上季受讓十分或以上的二十場作客比賽中，盤路只得五贏、十五輸、買對家的贏盤機會達七成五，說明就算騎士作客大幅受讓十分或以上，亦未必捧得過，還是博其對家較着數。
騎士唯一博得過的賽事只有在受讓八分或以上的主場比賽，在這八場波中，主隊的贏盤率為七贏、一輸，贏盤率近八成八。另外，騎士對活塞及速龍兩隊波亦罕有地帶挈捧場客贏錢，騎士對活塞盤路為三贏、一輸，對速龍三場有開盤的比賽則全告贏盤。