無綫台慶劇《衝上雲霄》的一班演員昨在國泰城舉行記者會，男主角吳鎮宇最受空姐歡迎，一眾空姐洶湧而上，有如里安納度在《捉智雙雄》的場面一樣。
無綫台慶劇《衝上雲霄》將於下周一晚上九時三十分播出，此劇昨日在機場的國泰城舉行首映禮，出席的演員包括吳鎮宇、陳慧珊、馬德鐘、葉璇、胡杏兒、吳卓羲及陳鍵鋒等。
鎮宇在記者會上出盡風頭，司儀介紹他上台時，台下眾女士即歡呼喝采，不斷呼叫鎮宇的名字。記者會後，一班空姐更把握機會圍着鎮宇，要求合照及簽名，場面有如里安納度狄卡比奧（LeonardoDicaprio）在《捉智雙雄》擁着大班空姐一樣。
鎮宇受到一班空姐熱烈歡迎，不知感覺如何？他說：「咁咪好囉！其實我平時都好少發生啲咁嘅事，因為我好少出街，又怕俾人喺街度叫。」得到一眾空姐的厚愛，鎮宇怕不怕太太呷醋？他說：「都冇得擔心咁多，其實之前拍呢套劇，唯一嘅娛樂每日就係同空姐搭訕，得閒就搵幾個過嚟提一提神。」
拍攝此劇時跟鎮宇傳過緋聞的葉璇，在劇中飾演香港第一位女機師，她說：「頭先睇精華片段嗰時，我同胡杏兒都好感動，我哋重差啲喊出嚟，因為呢套劇我同胡杏兒重成為好朋友。」
此外，李彩樺和胡杏兒昨晚返回將軍澳拍攝《彩虹橋》，二人見面時仍然有講有笑，李彩樺對於被傳不和一事說：「我係電視圈新人，編劇同監製先係專業，劇本係有改過，都係有問題先改，係為部劇好，其他嘢我唔想理。」
採訪：楊潔雯、王崇穎
攝影：甄朝健
