啱啱先同山本未來結婚嘅椎名桔平，最近竟然由直變攣，重搭上男演員遠藤憲一㖭！大家唔使緊張，查實佢只係喺舞台劇《Bent》入面扮演一個喺二次大戰期間受迫害嘅男同志啫。前日椎名喺記者會話：「除咗男女肉體上嘅凹凸有唔同之外，基本上同性戀同男女嘅戀愛都係一樣。」遠藤重會帶椎名落基吧學嘢㖭！