聽到社會服務，唔少人會諗起謝霆鋒。其實唔少學校都會要求學生做社會服務，噚日美孚伯裘女子中學三十五位中二學生，就為張暐頌畫展做宣傳大使。
呢個由「願望成真基金」搞嘅巡迴展覽，噚日去到第四站嘅將軍澳東港城舉行。班女仔帶咗一百零八個自製紙盒，夾手夾腳砌成一個願望井，然後將一千張同學寫咗願望嘅星形紙，投入井中，祈求願望達成。呢個願望井會擺到今個禮拜六展覽結束為止，市民去睇暐頌畫展時，不妨許個願。
有份參加嘅梁仲蕙同學話，今次活動令佢認識到被癌魔奪去生命嘅暐頌喺病魔面前仍好堅強，令佢領會到要珍惜生命。
劉耀輝攝
傳真︰2623-9278
電郵︰