為吸引多啲優秀人才加入大律師行列，大律師公會每年都頒發獎學金畀一啲剛畢業嘅法律系高材生。噚晚主席陳景生重請到終審法院首席法官李國能負責頒獎。
今年一共有五個學生攞獎，當中有一個做緊律師轉做大狀，令大家好雀躍。李柱銘曾經做過窮學生，所以最知辛苦，佢話人哋一畢業去學做律師就馬上有人工收，但係跟大律師做學徒，唔單止冇收入，喺英國重要畀錢個師傅當交學費。
所以大律師公會設立呢個助學計劃，幫吓啲有志嘅畢業生，每人一共有二十萬，分兩期支付，一開始十萬，六個月後再發十萬，咁當然係啲已經上晒岸嘅師兄師姐捐出，冇所謂啦，作育英才。
正如李國能講，維護香港嘅法治好重要，但人才不可少。
（圖）首席法官李國能頒獎學金畀法律系高材生EvaSit。
傳真︰2623-9278
電郵︰