警隊一哥曾蔭培就退休，但夕陽無限好，重馬不停蹄，上個月底去咗倫敦參加國際警察首長研討會，順道去埋倫敦香港商會嘅午餐會演講，個午餐會重係由前港督衞奕信勳爵主持。
一哥嘅演講以「變中求穩」為題，列舉香港警隊面對嘅種種挑戰。佢話，與會人士反應熱烈，對香港警隊處理7.1大遊行冇不愉快事件發生，留下深刻印象；衞勳爵亦好識做，回應話好高興香港回歸後罪案率處於低水平，至於失業率點解高過佢任內四倍，佢就冇講。
喺國際警察首長研討會上，一哥主持咗一個工作坊，介紹香港警隊嘅工作，參加嘅外國警隊高層聽到香港嘅罪案中，有六成幾都係靠行咇嘅巡邏人員直接或間接偵破，都好有興趣。
（圖）一哥上個月去倫敦演講，大講港警嘅威水嘢。《警聲》圖片
傳真︰2623-9278
電郵︰