莫文蔚： 我演出嗰晚冇乜大問題，美中不足係冇得同外國歌手同台交流，嗰晚因為要查袋，觀眾先要遲入場。都唔可以話嘥錢，搞咁大型嘅騷少少混亂在所難免。
倪震： 我認為應該畀私人機構搞，𠵱家用納稅人嘅錢去交學費。搞騷個心係好，但就好心做壞事，政府以為上次皇馬攞到甜頭，點知今次唔得。
鄭伊健： 政府又話赤字，但又亂咁使錢。好多人當香港藝人係寶，但點知香港人就當我哋係草，感覺大會唔尊重本地歌手。
李克勤： 喺呢件事上面，香港歌手真係好慘，好似莫文蔚咁，為香港出力，搞到好似咁慘咁冷清。今次搞成咁真係要做賽後檢討，不過就唔好做一年囉！呢個教訓真係大，因為涉及嘅錢咁大數目。
盧巧音： 我覺得自己唔會因為外國樂隊話嚟又唔嚟，就唔做，影響自己。我唔想講任何負面嘢影響政府，不過要正視呢個教訓。