盧巧音向來予人型女的感覺，她認為今年秋冬流行六十年代服飾打扮，顏色以黑白為主，難怪她近日出席公開場合，亦以此色調示人，而一對白色尖頭靴更是今季必備，連黃伊汶、何超儀及蔡少芬都一人着一對。
盧巧音（Candy）對潮流有獨特見解，她認為今年會流行六十年代的服飾，顏色以黑白為主，而一對白色靴更是每位女士鞋櫃裏的必需品。
Candy說：「我自己好鍾意黑色，但我覺得今年秋冬一定要買嘅，係一對白色boot，易襯有型又夠sharp，另外手織冷衫都好好，今年好興。我買衫嘅時候除咗買潮流嘢之外，我都會買一啲比較襟興嘅衫，唔會太花巧，咁就可以着耐啲。」
除了Candy外，黃伊汶早前出席公開活動，亦是以白靴配襯；何超儀為新戲拍宣傳照時，也穿上一對白色牛仔靴，而蔡少芬日前為Moiselle新裝行天橋，設計師便讓她穿上及膝白靴來配襯衣服，看來白色靴的確是今季的重要item。
其實尖頭鞋與牛仔褲都是Candy的至愛，她最喜歡到天后美華氏買二手牛仔褲，她說：「我屋企最多就係牛仔褲，而二手衫雖然冇新衫咁挺，但好多都好有型，啱晒懷舊着，而鞋我就最鍾意尖頭嘅，都係型囉，尤其係MarcJacobs嘅鞋，真係好鬼靚。」
Candy又奉勸fans說：「最重要係人着衫，唔係衫着人，我覺得最緊要唔好人興乜就着乜，你要知道自己嘅優點同缺點，千祈唔好醜化自己嘅優點，好似王菲咁，佢身材咁高䠷着乜嘢都好睇！」
採訪：胡比、梁錦雯
