【本報訊】電視劇《俗世情真》母「屈」女兒偷竊真實版，中年婦手牽七歲幼子及十一歲女兒到超巿高買，將偷來的花膠、魚翅等放入女兒的膠袋，被職員發現後拿女兒為擋箭牌，當眾大罵她是賊；母女二人被控盜竊，昨在荃灣法院受審。 記者：蔡朗清
天真浪漫的女兒在庭上一度認罪，如念書般講述當日想吃魚翅，親手將魚翅放入膠袋，順手取花膠，偷生油是免母親四圍格價，惟案情與控方所指超巿職員目睹母親偷竊不同，故不獲裁判官接納開審。母親自辯指女兒才是賊，對她暗中偷東西毫不知情。裁判官最後相信職員證供，裁定母女二人罪成。
惟三十五歲的母親被定罪後仍堅持女兒才是賊，她求情表示「知錯」，希望法官原諒，並說：「我冇家教，冇睇住女，佢攞咗啲嘢放入袋冇畀錢」。裁判官李家齊愕然說：「咁你即係話自己無辜，係個女不孝，害咗你，你到咁嘅時刻都唔知錯，唔肯認錯。」
母親神情鎮靜堅稱沒有盜竊，「我係睇吓睇吓，個女攞落去（袋），我只係攞過支生油。」
穿上吉蒂貓褲子的年幼被告，眼見母親與法官爭拗誰是賊，臉上表現莫名其妙，不時搔頭上的髮夾。
裁判官說，「你咁講即係冇錯，你冇錯，我點原諒你？」她回應說：「我將支生油、魚翅、花膠，放咗落個女嘅袋。我諗住畀錢，只叫佢揸住，點知佢走咗出街。」
裁判官大怒，斥責母親為何推卸女兒把贓物放入膠袋。她至此才說驚坐監。裁判官說，「驚嘅係我，我驚你教壞個女。」她哭說：「我冇錢，搵唔到嘢做，先去偷嘢。」
裁判官說：「如果你為個女着想，今日就唔使要佢上庭。」裁判官考慮被告沒有案底，丈夫做裝修，她需要照顧一對兒女，准她保釋，至下月四日等候背景報告；次被告則押至下月六日，轉解兒童庭判決，「其間要攞感化官報告，睇下點樣輔導你，唔想你學壞。」
母女二人被控於今年六月二十七日，在荃灣海壩街萬豐食品直銷巿場，偷竊魚翅、花膠、花生油及兩包花生糖，總值一百四十七元。
控方案情指，當日下午五時許，超巿職員看見被告帶同一對子女到巿場購物，其間母親將魚翅等物件，放入女兒手持的膠袋，先叫女兒離開，她只購買兩包麵。惟女兒在店外被職員截停。
案件編號：TWCC2134/03
