「呢個病都困擾咗我二十幾年，時好時壞，痛起上嚟連舉手、行步路都唔得，真係好折磨人。」患退化性骨關節炎的鵬叔一臉沮喪說。
或許受到病魔的折騰，五十二歲的鵬叔外表較實際年齡為大，一頭白髮加上一雙柺杖，徒添蒼涼感覺。孑然一身的鵬叔，年輕時在電子廠工作，或因長期捱更抵夜，過份操勞的緣故，他三十歲的時候證實患上退化性骨關節炎，生活大受影響。「冇諗過咁後生都會有呢啲病，醫生話我鈣質唔夠，骨頭、關節提早退化，最慘呢個病係冇得醫，只可以靠食藥止痛，同埋做物理治療去幫助減慢退化嘅速度。」
止痛藥物雖可為鵬叔減輕苦楚，但長期服藥的後遺症卻導致他胃部受損，直至半年前，醫管局處方他購買一種副作用較少的新消炎止痛藥「環氧化酶Ⅱ抑制劑」（COX2），情況才有所改善。「我以前成日胃痛，食咗新藥之後，已經冇呢個情況；醫生都同我講，話啲舊藥係好傷胃，新藥副作用少啲，可惜呢啲藥醫管局暫時冇資助，要食就要自己畀錢買。」
鵬叔慨歎，自七年前因病提早退休後，目前只靠二千餘元的綜援金生活，每月尚要多花三百多元購買新藥，對他來說，實在是一項沉重的負擔。「真係好難長期咁負擔，到時就要揀食藥定食飯嘞？」
蘋果日報慈善基金了解過鵬叔的需要後，撥款一千元資助他三個月的藥費，惟長遠的開支，鵬叔盼獲善長熱心捐助。
捐款編號：C1155
暖流熱線
電話:29908688
傳真:23702192
電郵:
網址：