張天愛與羅素剛自西藏行婚禮返港，前晚即結伴看《維港巨星匯》，昨日她出席一護膚品牌活動，並暢談西藏之行。張天愛表示此行與丈夫四天沒洗澡，還要在街上找廁所，令她人生觀頓改，感到追逐名利均是虛幻，她更有緣與一名六世喇嘛相見。
上月二十一日在美國洛杉磯舉行婚禮的張天愛及羅素，早前往西藏再舉行多一次婚禮，兩人前日返港，晚上即結伴欣賞《維港巨星匯》，到場的還有不少高官名人，包括吳光正夫婦、李民橋夫婦、鄭文雅、王見秋與妻子及女兒王穎妤等。
張天愛昨日隻身往金鐘出席英國護膚品牌Boots的宣傳活動，問張天愛已是第四次結婚，為何還有興致大搞兩次婚禮，且在偏僻的西藏？她說：「雖然嫁第四次，但婚禮對我嚟講係好重要嘅。我一直夢想有一個同天空接近嘅婚禮，西藏海拔高達八千八百呎，同天空好接近，簡直係HeavenWedding。西藏婚禮好有趣，我一口氣跳咗八隻舞㖭。」
張天愛續說：「我哋今次個trip好辛苦，前後四日都冇沖涼，重要周街搵廁所，雖然係好辛苦，但我有緣同一個六世喇嘛見面，佢係一個活佛，我幾年前識佢，佢講我嘅前世故事畀我聽，我已經覺得好準。
「喺西藏嘅經歷同埋同活佛交談，係一個好難忘嘅體驗，個人學識咗要慈悲，好想幫人，重感覺到成功失敗都只不過係幻象。」
問張天愛對丈夫羅素有甚麼評價？她說：「佢同我嘅五行夾到不得了，我好似搵到張被咁。」至於有否造人計劃，張天愛則說：「我哋兩個都好忙，佢（指羅素）要返美國拍獨立電影，不過我哋定咗個兩年生BB計劃㗎啦。」
採訪：顏英儀、梁錦雯
攝影：陳慧安、何國豪
