「我個姨甥女係乖乖女，佢十七歲時老竇死後，就冇書讀，然後去深圳做保母，每個月二百蚊人工，佢都可以個個月寄錢回家幫補！」港人沈女士的二十歲姨甥女吳素瓊是這二十多名失蹤少女之一；今年九月八日，吳素瓊到布吉搵工後就失蹤，事後她們曾多次到布吉尋找及報警，但當時並未引起當地警方的重視。
「我老公死得早，𠵱家又冇埋個女，你叫我日後點樣生活呀！」四十歲的沈求珍是港人沈女士的胞姊，她自從女兒失蹤後，就從廣東連州趕來深圳四處尋找；提起愛女失蹤事，她情緒十分激動地哭說：「我個女好勤力，一邊做保母一邊進修，去年轉到份做文員的工作，仍繼續又讀英文又讀電腦，今次佢想轉份做同電腦有關的工作，想不到竟遇到嗰班衰人。」
沈求珍又說「當初報警，公安又唔理我哋，直到今個月十三號通知我去認嘢，當時我見到個女啲衣物，真係差啲暈倒，我真係唔敢想她現在係點樣，希望公安早啲幫我搵番個女呀。」
本報記者