APEC領袖會議結束，最後一日齊齊着泰國民族服裝亮相映全家福，唔理大家對今次服裝有乜評價，但今年領導人合照肯定係歷來最靚，因為今次以身高排位，高大領導人好似墨西哥總統Fox同新加坡總理吳作棟企後排，舊年因為身材嬌小而在合照中「消失」嘅菲律賓總統阿羅約夫人同印尼總統梅加瓦蒂，則獲安排同他信一齊企前排中間。
最大「受害人」係特首董建華，佢被編排企後排最右，影正面合照時經常俾前排遮住，而且唔可以好似往年咁，企喺國家主席側邊。
董太趙洪娉亦有隨行，但八方知道董太行程就輕鬆好多，日日去參觀廟宇、shopping同按摩，重有機會同美國第一夫人羅拉傾偈。
傳真︰2623-9278
電郵︰