潮流品牌的確比以前難做，大小場都有唔少店舖玩完，加上本地人對創作的熱誠，不少潮店慘被老翻製品害死，引致潮舖買少見少。市場在汰弱留強後，芸芸水貨店中ConceptShop又能成功突圍，除了開新舖外，更重要是比一般賣水貨舖頭更有Heart，率先跟本地Figure愛好者合作出公仔及customize波鞋，為本地潮流界殺出新血路，絕對潮人之福。
記者：譚靡 攝影：楊錦文
ConceptShop自2001年8月開業，是本地首間專門在網上售賣裏原宿貨品的公司，店主Simon本是為興趣而成立HongKongBapeMania（www.fly.to/bape）網頁，跟一些網友交流Ape及其他裏原宿品牌資訊。後來機緣巧合下便與留學日本的Kevin開辦ConceptShopOnline。2002年正式將業務由虛擬世界帶到現實生活中。Simon及Kevin都是愛日本產物的人，開店目的就是想將最好最有Concept的潮品帶來香港。經過不停的摸索尋找，最近擴張店舖之餘，還跟本地設計玩具的朋友，開展Crossover工作。現在已發展有自家網頁，追加各類潮界新聞，正如特首所講：「與時並進」，ConceptShop不但是一個商人，且為潮界為香港出了一點力。
今次新舖開張，ConceptShop主腦聯同好友Tim一齊開發自家Figure外，還喪玩customize貨，將NikeDunkcustomize成自家品牌「ConceptReload」。有份幫手做的Tim話：「鞋身嘅紋好似graffiti，以人形為基礎，帶有卡通味道。而唔同人嘅眼中，睇呢啲花紋會有唔同感覺，就正如每個人嘅Concept可以係好多嘢。」而Tim是一個Figure愛好者，有一年多做Figure經驗，剛巧最近遇上ConceptShop擴張，正是好時機。所以他特地為ConceptShop開張而設計兼製作這些Products。
Tim為Simon及Kevin製作的一對12吋公仔，卡通化造型，幾有個人風格。而外貌跟足Simon及Kevin嚟做。
除了新貨，在Concept也能找到不少絕版裏原宿貨品。大家更可叫老闆兼店舖管理員Simon訂購各種貨品。
ConceptShop（23761176）
九龍山林道46-48號運通商業中心226號舖
網址：
由於舊舖面積細，連試身室都沒有，現在搬去更大店舖，就增加更多貨品的種類及數目，連女裝都賣埋。店內有Bapy、Undercover等裏原宿品牌，價錢公道。
