香港經濟沉寂了一段日子，不少舖頭老細牙痛咁聲，惟以減價招徠顧客頂住頂住。不過物競天擇適者生存，有人捱日子亦有人能在難關闖出新血路。以專賣日本新奇水貨精品、影音小家電的JCSHOP，開完一間又一間，一間又大過一間，本星期於海洋中心的旗艦店更大事開幕，當中有2T的Mandy及Maggie助興，當然引來不少擁躉，但其實最有睇頭的，應該還是一系列新到的Gundam稀有產品！
記者：張銘恩
攝影：莫彥聰
模特兒：Khovelle（RichStrategy）
高達手中的機槍變為電結他，真係型到震，最正就係造型能忠於「原著」，似槍多過支結他，絕對係高達迷收藏品。$6,980
渣古都唔輸蝕，隨身武器斧頭變結他，顏色配到絕，相信霆鋒見到都唔捨得扔爛。$6,980
軍綠色渣古造型單車，車身大大架夠晒威猛，男仔啱坐，捨得揸出街的話必能引來不少豔羨目光，不過試問又有幾多Fans忍心？都係珍藏欣賞吓好。 $5,980
Size較細及座位較低，女仔玩Fit晒，成架車造型都用「高達色」，尤其方形車架設計，大添機動戰士之感。$4,980
新店除了一系列機動戰士罕見產品外，當然亦有不少其他新奇玩意，照顧完動畫迷，以下請愛車之人要留意，因為以下呢幾部座駕絕不簡單！
另一紅色新版甲蟲CD機，亦可接收香港收音機頻道，女車主們係咪好想即刻買番部襯自己架愛車呢？ $1,680
見到全部都係高達，女仔唔使呷醋住，WinniethePoohCD機乃專門為你們而設！可座檯或側孭，有播放CD及收音機功能。$1,280
新鮮滾熱辣由日本抵港三天的Zippo打火機，有渣古、老虎、大魔、冬瓜等角色造型，另有幪面超人及Playboy，雕花及凹凸款等手工都非常精緻，全部超限量，下星期開始發售。售價待定
3.2MBUSBMemory，備多個角色選擇，帶住出街零舍威。$399
座檯電子鐘，具響鬧及追Call功能，重會發出綠光及戰鬥聲。$368
記得老闆之一Alan在電話中邀請記者參觀新店時，曾誇口說保證這會是全個海洋中心裝修得最靚的店舖，過百萬裝潢添貨，果然沒有白花。
地址：JCSHOP（31015033）
尖沙嘴海洋中心商場3樓308號舖
