近年，唔少人開始對消費品嘅「感性品質」產生興趣；而所謂「感性品質」，係包括咗產品投射出嘅形象性格，以及使用時嘅個人感覺。有見及此，日產汽車便於三年前成立「感性品質開發部」，務求響汽車科技以外尋求感性嘅產品增值方案。
至於新Cefiro嘅造車概念，「感性品質開發部」擬定咗多個規劃目標，包括一方面要繼承原有Cefiro車系，響實用、可靠及舒適性等各方面所建立嘅信譽；另外還要根據Cefiro嘅優點，定出一個令用家認同嘅性格。經過多次會議及市場調查後，新一代Cefiro嘅產品開發首席設計師中島敬先生，聯同「感性品質開發部」為新車找到一個新方向，就係ModernLiving，一個簡單就是美嘅概念。當方向定立後，新車嘅設計工作才啱啱開始，而佢哋所追求嘅，會係響肉眼睇到及睇唔到嘅地方，呈現出BacktoBasics嘅現代美感，以ModernLiving呢個理念，去觸動用家嘅心靈；故此，車內各項鋪排都由廠方嚴格監管，務求達到統一嘅感性品質，令車子變得更具吸引力。