已加入Morning娘嘅藤本美貴，大前日完成鹿兒島嘅演唱會之後，即刻趕去京都，為拍攝東京電視台嘅古裝片《龍馬去吧》作好準備，前日佢同扮演龍馬嘅市川染五郎，一齊喺松竹京都攝影廠見傳媒。藤本喺劇中扮演龍馬嘅姪女，我大口羅拉覺得佢着起古裝之後真係冇晒wet味。而大歎對白好難講嘅藤本，重話覺得市川好似自己哥哥。