早前，富豪汽車香港代理權落實不久，新車到港嘅部署瞬即展開，當中旗艦級嘅新版S802.5T，更打頭陣以一身富動感嘅新造型，跟香港廣大車迷見面，相信響代理新人事新作風下，加上廠方對車款嘅積極改良，日後富豪汽車在港嘅普及性，真係好難預計。至於另一款同樣備受矚目嘅XC90新一代CitySUV，推出至今未及一個年頭，惟外界反應奇佳，加上本身得天獨厚嘅七座位設計，響一眾同級歐、日車款中，都可謂着着先機，因而有供不應求嘅情況；據亞Mark所知，嚟緊香港富豪新代理，會率先引入XC90嘅2.5T型號，而頂級嘅XC903.0T6，快者都要明年方有機會抵港。惟前者呢部XC902.5T性能出眾之餘，重有富豪車廠向來着重嘅安全設計，睇嚟一眾同級對手，今趟會遇上勁敵喇！至於部新車有幾正？大家不妨拭目以待，睇吓嚟緊11月嘅新車動向啦！