本田Odyssey自推出以來，其賣相一直都係走成熟穩重嘅路線，但剛於日本推出嘅全新第三代型號，卻予人截然不同之感；皆因外形不但來得年輕富活力感外，扁長頭燈襯以闊大鬼面罩組合，望落亦見有一份吸引性。同時，廠方亦提供咗裝有全車跑車包圍嘅Absolute版，以迎合不同車迷嘅口味。由於新車尺碼有所增加，故此車廂空間會較原有型號來得更見寬敞闊落，而低重心設計亦方便乘客進出車廂呢！另一方面，經過廠方精心設計嘅表板鋪排，不但予人煥然一新之感，設備配搭亦見齊全易用呢！
最新推出嘅第三代Odyssey，會改以一台2.4公升直4DOHCi-VTEC偈作骨幹，除有基本型號嘅160匹馬力輸出外，另外經廠方調校後，更有Absolute版嘅最高200匹輸出，輔以一套5前速自動波又或者係CVT無段變速波箱，性能表現可謂毋庸置疑；然而，經過強化嘅底盤配搭，響出色懸掛組合及低重心車體設計下，行車循迹性還要較舊有型號高出不少呢！