楊利偉旋風未過，神舟五號呢個名仍然相當搶手。噚日立法會開政制事務委員會會議，明明傾緊明年立法會選舉，喺選票上加候選人張靚仔相同所屬政團嘅名，講講吓，都俾民建聯蔡素玉扯去神舟五號上面。
蔡小姐質疑，選管會未來如果畀人喺選票上面印政團個名，咁係咪凡經公司註冊或者社團註冊，即使團體個名叫「神舟五號」或者「楊利偉乜乜會」，都可以印上去？一向悶死人嘅林瑞麟今次答得都算醒目，佢反問蔡小姐係咪真係想以呢兩個名註冊，如果係就要快手嘞！咁又係，升空旋風之下，睇怕不出幾日就有舖頭叫神舟五號嘞。
口痕友話：民建聯呢兩日想借神舟五號上位洗底，又搞慶祝遊行，又打鑼打鼓扮愛國，話佢係「神舟攝石黨」，冇乜錯。
傳真︰2623-9278
電郵︰