李蘢怡（Tiffany）收身後信心十足，今年冬天她會主力以短裙襯長靴，大晒美腿，但她奉勸腳短人士切勿仿效。Tiffany最愛的品牌是MissSixty，覺得有型得來不失女人味。
李蘢怡纖體成功後，自信心增強不少，故最近她經常穿上短裙長靴，大晒美腿，Tiffany坦言：「其實我一向都好鍾意着短裙同埋連身裙，但因為我以前比較肥，所以唔敢着，𠵱家瘦咗就梗係唔同啦。」
Tiffany謂她平時較喜歡青春打扮，以配合其年紀，所以一件看來青春有朝氣的上衣，再配以可流露女性美的牛仔褲或短裙，就是她的心水選擇。日前Tiffany便特地跑到MissSixty專門店內看時裝騷，順道搜購冬裝，她說：「今年冬天興長boot，愈高筒愈好，重要襯番我至愛嘅短裙，我今年鍾意以啡色為主嘅打扮。」短裙襯長靴的確有型，Tiffany表示若上衣或裙是牛仔布質料，感覺就會更青春，不過這樣的打扮不適合腿短或身材矮細的人，否則會自暴其短。
Tiffany說：「其實着衫最緊要係睇件衫襯唔襯到自己，好似我以前好鍾意啲花喱花碌嘅衫，但係後來我個形象指導同我講話我嘅輪廓好突出，唔使着到咁花，咁我咪改變吓，着多啲淨色衫囉。」而Tiffany透露自己最喜歡的牌子是MissSixty，衣服有型又能流露女人味。
採訪：胡比攝影：陳慧安
