【本報訊】狗是人類最好的朋友，五頭或是聰穎過「犬」、或是善解人意的醒目狗及狗醫生，昨日獲亞洲動物基金頒發狗隻成就大獎。其中拉布拉多犬Simba是亞洲神探，曾破不少大案。
嗅覺特別靈敏的Simba在美國接受訓練，除了毒品，最擅長緝捕走私客帶着闖關的瀕危動物。五年前，亞洲動物基金把Simba買回來，交由警犬隊照顧。與Simba拍檔的江卓洲總督察形容Simba工作熱誠：「機器可以上太空，但做唔到Simba咁有咁靈敏嘅嗅覺，可以拯救到瀕危絕種嘅動物。」
公屋居民張妙娟十多年前喪夫，精神大受打擊，去年遇上三度被主人遺棄的西施狗Bacon。她說：「Bacon最初好似我咁，受情緒困擾，唔食嘢、成日發呆。我係過來人，感同身受。所以好理解佢嘅心情。𠵱家彼此成為摯友。更高興嘅係屋署可以畀Bacon住喺公屋住到終老。對我嚟講係最大嘅安慰。」
至於去年患上腎衰竭的狗醫生阿寶，昨日也有份上台領獎。八年前因交通意外導致四肢癱瘓的周志明也來捧場。他說：「動物都咁積極，自己有病都去醫院探我哋，畀我好大鼓勵。」
狗隻成就大獎頒獎禮昨在青衣城舉行，吸引大批小朋友爭相與小狗、大狗拍照，其中最受歡迎的狗明星嘉賓，包括因患上惡性腫瘤而要切除下巴的的狗醫生毛毛。戴上口罩的毛毛昨似乎心事重重，據基金會發言人表示，毛毛病情穩定，但需主人張嘴餵食，經常要替牠抹口水。
資料來源：亞洲動物基金
