生活DIY：<br>一張手工紙日日幫你托眼鏡

生活DIY：
一張手工紙日日幫你托眼鏡

朝九晚五的打工一族，喺辦公室嫌生活太刻板的話，不妨一大班同事搞搞新意思。辦公室內最多的，相信非紙張莫屬，我們就利用一些廢紙學學摺紙藝術，為你的枱頭添上眼鏡托、Memo架及紙巾盒。學會了才購買一些靚靚手工紙摺餐飽，這些小手工定可為你增添工作情趣！

記者：吳佩璇　攝影：林栢鈞

打工仔埋頭苦幹，做到攰攰哋嘅時候，便想除下掛在鼻樑上那重甸甸的眼鏡，然後捽捽眼、為鼻樑按吓摩。推介這個紙版眼鏡托，金字塔式三角位，剛好承托眼鏡唔怕刮花，又唔使周圍搵眼鏡。建議大家選用較厚身的紙張，那可令承托力更佳。

材料：18cm×18cm摺紙1張

摺法

先將紙張摺半，依圖將左、右上角摺下。

底部再如圖示向上摺。

之後再按圖中虛線摺，摺下印痕後打開及反轉紙張。

右下角依虛線向上摺；左下角亦然。

之後依摺過的印痕，將紙張屈起成立體三角狀。將其中一邊攝入另一邊。

最後在交叠位貼上膠紙，令眼鏡托更穩固。

紙皮球演變紙巾盒
這個紙巾盒，跟大家小時候摺過的紙皮球有點雷同，但摺時更講究，完成品亦更花巧細致。想效果更佳，宜選用底面都有圖案的摺紙，不過坊間較難找到大張的兩面圖案紙，建議自行用兩張紙襯色拼貼。

材料：46cm×46cm摺紙1張

摺法

（圖一）

將紙張摺半再摺半，然後手捉左上角，拉下摺成（圖一）的三角形。

反轉後，將正方形那邊反向另一邊，然後摺成三角狀。

將整張紙打開，便出現圖中摺痕。左、右兩邊分別摺入2.5cm，再依原來的虛線將紙摺成三角狀。

依圖中箭咀，將兩邊三角位向下摺，背面亦然。

將位於兩端，共4個三角尖位向內摺。再將三角尖位張開，根據摺痕將三角位向內屈。

將底部向內摺，這令紙盒更美觀。

之後便可輕輕力將紙張打開，成為一小紙盒。

備忘Memo架
利用一張A4紙，便可摺成一個小Memo架，可以攝上卡片及貼上簡單備忘。細細個唔阻碇之餘，又方便你每日清理沒用的便條紙。

材料：A4紙一張

摺法

從紙張下端，摺起約2.5cm寬，然後重叠摺4摺打開。

小秘技
上述幾項枱頭小用具，都需要依清晰的摺痕才容易摺得好。所以摺時不怕用力點，建議用質地帶點像再造紙的「嚡」面花紙來摺，這種紙不但手感好，而且印痕又不像普通的紙張深，是不錯的選擇。

將折叠處左右兩角向上摺，並打開三角位向內屈，摺罷再將另外半個三角屈向內（完成後如圖一）。

上半部對摺一半，下半部亦向上摺。最後可依摺痕將下半部屈成一個三角形的座，並順勢將紙張攝入虛位便成。