鄭希怡昨日在東區走廊上取景拍MV，坐在一架跑車頂上的她，無懼冷風撲面，仍然扭腰擺手，不知是不是她太過投入，身上tubetop竟然走位，胸前露出一點紅，引來露乳暈疑雲。
鄭希怡（Yumiko）一連三日拍攝新MV《技術性擊倒》，該MV投資了五十萬元拍攝，並為Yumiko買重保險，在拍攝過程中，Yumiko並無任何損傷，但卻引來露乳暈疑雲。
Yumiko昨晨被安排坐在一架黑色跑車的車頂上，以時速約八十公里在東區走廊上邊行駛邊拍MV，身上扣上威吔的Yumiko，要做出非常陶醉的樣子，Yumiko在車頂上不斷扭腰擺手，更將雙手攤開，可能就在這個時候令tubetop移位，在左胸前出現一點紅，一度惹人懷疑她露乳暈。事後Yumiko表示：「我因為怕走光所以打咗底同黏膠紙，搞到有少少紅印，所以你哋見到嘅只係個紅印，唔係走光。」
坐在車頂上的Yumiko高速駛過東區走廊，在旁有很多司機都投以好奇的眼光，Yumiko說：「頭先拍嗰陣，有人話畀我聽有兩架車喺東廊掛住望我哋，差啲撞車，我喺車上面一啲都唔驚，重覺得好刺激，最初有啲唔慣，因為咁大風，搞到我眼淚水都標埋，但係慣咗之後重想企喺車頂上面㖭！」
此外，Yumiko前晚擔任容祖兒個唱嘉賓，上台後博得不俗的掌聲，祖兒對她說：「其實喺紅館開演唱會係好難㗎，要有兩樣嘢，第一係性感同T-back，第二樣係跳得，畀你試吓吖。」祖兒隨即落台讓Yumiko表演，Yumiko獻唱前卻突然爆出一句：「我十一月二十四日會出新碟，希望大家多多支持。」Yumiko忽然宣傳新碟，惹來全場觀眾喝倒采，更有觀眾大叫「收皮」，此時Yumiko強裝笑容說：「咁係咪即是代表支持呀。」Yumiko乾笑數聲後便唱歌，唱完只獲疏落的掌聲。
採訪：楊潔雯、胡比
攝影：楊潔雯
