組合Cookies四位青春少艾一向愛以時尚衣着打扮示人，正當陳文媛及Twins等熱心追捧日本牌子Undercover之際，Cookies近日則轉投新牌子breadnbutter的懷抱，同時看中一款獨角馬圖案長上衣的Stephy及Theresa，更不惜撞衫也要一人買一件。
女孩子一向介意與人撞衫，但Cookies未知是否出道時着慣制服，竟然不介意與姊妹穿一樣款式的衣服，近日便齊齊追捧新牌子breadnbutter，日前Stephy在尖沙嘴逛街時，便穿上該品牌一件印有黃色獨角馬圖案的黑色上衣，配以藍色牛仔褲及黑色adidas波鞋。
年輕人都愛小飾物，Stephy當日在配飾上亦花了不少心思，最特別是兩隻手都戴上繫有小狗公仔的手鏈，右手還戴上灰間冷手襪，而右邊耳仔則戴上音符耳環。Stephy說：「我啱啱返公司開完會，諗住行陣街囉。」對於身上的打扮，Stephy說：「我好鍾意呢件衫，圖案特別又可愛，件衫長到大髀位，加上黑色着上身睇落下盤唔會肥，成個人都纖瘦啲，呢件衫係我成日去買開衫嘅Ztamp自己出嘅新line。」
其實日前Cookies四姝到尖沙嘴出席Ztamp新店開幕活動時，Theresa亦穿上同款白色上衣，襯以緊身褲及adidas波鞋，Theresa當時說：「呢件衫應該襯窄身牛仔褲，着闊身褲就會太累贅，因為焦點會落晒下身，如果下身闊嘅話，可以將衫尾拉高少少，睇嚟好似打摺咁都得。」
Stephy說：「我哋一齊買衫，見到靚嘅都唔介意買同款，最多買唔同顏色或者唔同一日着。」Stephy又笑言自己其實最愛買飾物，她說：「我最鍾意呢條狗仔手鏈，平時去到邊都會搜購飾物，買得最多係銀器飾物，Tiffany嘅都好鍾意。至於隻手襪，我覺得咁襯幾好睇。」
