史匹堡經典系列多不勝數，由《回到未來》、《小魔怪》到《侏羅紀公園》（第三集除外），在在都令人拍案叫絕，每推出一套翻新DVD版，筆者都盡義不容辭盡收旗下。《奪寶奇兵》當然亦係筆者夢想收藏品之一，其三部曲早已推出一區版套裝，帷三區版一直拖到10月中先推出，令一眾戲迷恨得牙癢癢。
三區版除有齊三部曲外，亦額外加入第四隻BounsDisc，以四碟DVD豪華包裝登場，畫面亦經過數碼修復處理，唔會見到陳年菲林殘像，音效亦以佐治魯卡斯獨步江湖嘅THX重新錄製，電影中一幕叢林雀鳥聲，的確做到像真度頗高嘅環迴效果，緊張驚嚇氣氛立時提升，絕非如《第一滴血》之類求其翻新推出咁馬虎。
BounsDisc除盡收三集幕後製作花絮、歷史解構及著名電影海報設計師全新插圖外，當然唔少得台前幕後人員嘅訪問，四隻碟夾埋足足有成十個鐘，賣三百幾蚊確實相當抵睇。
記者：徐影龍
