梁家輝、鍾欣桐（阿嬌）和組合E-kids成員Tommy，昨日齊到樂富出席電影《絕種鐵金剛》宣傳活動。
三位嘉賓中以家輝最早到場，還與打扮性感的小朋友合照，而阿嬌和Tommy則分別遲到二十分鐘和半小時。事後阿嬌對於遲到一事說：「我收通知係兩點半㗎！等我今晚講番畀家輝知，等佢了解。」
在活動進行間，家輝和阿嬌坐上升降台為掛在半空的海報簽名，家輝笑說：「冇戴安全帶，都係落番嚟先。」不料在Tommy的歌迷堆中竟有人說：「跌死罷就！」事後家輝說：「佢哋講吓笑啫！」對於小春涉嫌打人一事，家輝說：「佢係後生仔，俾人挑釁好易有火，下次再俾人挑釁時忍吓，咁就會去到另一個層次。」
此外，陳小春出席昨晚《絕》片首映禮時，被問到涉嫌毆打記者一事，他說：「唔想再提呢件事，我一日一日進步緊，𠵱家親情第一位，感情愛情叠埋一齊。」
採訪：王連連
攝影：仇志德