田北俊自從「七七事變」之後，野心愈嚟愈大，到處踢多啲人入會，佢原本想吸收來自建築、測量及都市規劃界嘅劉炳章入黨，可惜傾唔成。八方笑劉炳章，𠵱家都係做「獨立議員」值錢啲，點知劉炳章話，香港可能係，但台灣就唔係。
原來喺台灣，講個獨字好敏感，因為台灣有統獨之爭，所以佢哋選擇叫自己做無黨籍議員，而呢個名香港人又聽唔慣。
講到入黨，劉炳章每次都唔敢自己作主，一定要問吓個界別嘅意見先至行事，呢個理由，係咪「敬謝不敏」嘅藉口就冇人知，不過自由黨踢人入會，似乎反應唔係咁踴躍。八方估劉炳章明年一定繼續參選，點知佢話，呢個世界變化萬千，今日唔知聽日事，到時再算啦。冇錯，做唔做自由黨，冇所謂，都係做個自由人好啲。
（圖）劉炳章好尊重佢嘅界別意見，好多嘢都唔敢自己話事。
傳真︰2623-9278
電郵︰