綽號飛天朱嘅立法會議員朱幼麟，原來唔止鍾意飛天，重好鍾意養動物。佢噚日出席亞洲動物基金今年度嘅狗隻成就大獎，八方先知佢原來係今年嘅愛心大使。
見到咁多可愛嘅大小狗隻，飛天朱即刻隊個面畀啲狗係咁咀，抹淨啲口水，又到第二隻。
佢上台致辭話，見到啲狗上台攞獎咁開心，獎品重有狗餅，自己返屋企都要試吓啲狗餅係咪真係咁好食。佢屋企原來係動物園，養咗三隻貓、三隻狗，重有一隻成七十斤重嘅豬！佢話幾乎每朝都同隻豬一齊食早餐，可惜「佢成日顧住食，唔同我玩」。
（圖）飛天朱（左）見啲狗咁得意，同佢哋咀個不停。
傳真︰2623-9278
電郵︰