日產Fuga豪華動感集一身

話咁快，第37屆東京車展重有唔夠四日就正式開幕，屆時各大車廠於場內展出嘅新車，勢必令在場車迷無不拍案叫絕；就好似日產咁，除咗日前我哋為大家介紹過嘅C-Note概念車，夠晒突出吸引外，原來另一部將豪華房車嘅舒適性，以及跑車概念融為一體嘅Fuga概念車，亦有一定吸引力㗎！
廠方暫時未有公布關於Fuga嘅詳細資料，但響已知嘅簡短資料中，Fuga會係一部走跑車化路線嘅豪華房車，不但加有全車包圍、巨型跑車合金胎軨等組合，令外觀看來極富跑車氣息外，闊落車廂空間亦係賣點之一；而全新Human-machineinterfaces系統，亦能為駕駛者帶來不少方便。底盤配搭則與現有Skyline車系相近，同樣擁有剛強結構之餘，操控表現亦見出色，但引擎配搭則有待廠方公布進一步資料後，方可作實。