鄭少秋擺脫丁蟹效應　風騷

鄭少秋、葉璇、滕麗名及黎耀祥等一班劇集《非常外父》的演員，昨日齊齊身穿戲服到青衣城，出席「非常大笪地聯歡會」活動，慶祝該劇首周最高收視達三十四點（約有二百二十萬人次收看），秋官身穿白色西裝大派飛機欖，表現風騷。

「啲人唔再鬧我」
近日港股不斷上升，秋官昨高興地說：「以後唔好再叫丁蟹效應，應該叫妹哥（其劇中角色名丁貴妹）效應，我部戲一出股市就升，𠵱家啲人見到我唔再鬧我，反而又攬又錫，不過有人（指其妻官晶華）睇住我唔敢錫。」
問秋官有否趁機投資股票？他說：「唔玩啦！做人踏踏實實好，劉家豪（無綫戲劇分部高級經理）同我講話有專家研究過百分百有丁蟹效應，重問我放唔放股票好，我咪叫佢放囉！點知個市係咁升，真係害鬼死佢呀！」
此外，黎耀祥昨帶同太太及兒子到場，原來其子是滕麗名的fans，專程帶備相機與偶像合照，不過當滕麗名俯身與對方影相時，身上的一件束帶背心不慎掉下，幸好有驚無險。