老董上周四出席立法會答問大會，全場都問佢點幫本港行業喺CEPA中得到好處，嫻姐重建議政府成立一個包括勞資多方嘅委員會，探討有乜嘢就業機會，幫吓啲失業工人。
而建築、測量及都市規劃界嘅劉炳章議員更罕有咁公開讚梁愛詩，話佢好努力幫法律界北上，言下之意，就即係話佢嘅對口局長──孫公或者廖秀冬──唔夠落力。
咁又係真嘅，詩姐姐喺CEPA有排未掂之前，已經不停帶啲大狀同律師（包括梁家傑同余若薇）北上尋商機，北京、成都、廣州同深圳都去過，呢個星期四、五，佢又聯同財司唐唐上京，出席京港律師合作交流研討會，你話係咪好勤力呢？
傳真︰2623-9278
電郵︰