亞太經合組織會議（APEC）會議通常比較沉悶，估唔到泰國總理他信，會同機場管理局主席馮國經公開討論「點揀老婆」，令八方精神一振。
話說他信噚日出席亞太工商諮詢理事會大會，接受商界提問，馮國經問泰國總理，呢排搞埋咁多雙邊貿易協議，係咪會放棄多邊貿易談判？
他信回應話：「就像選老婆一樣，你和我的首兩個標準可能一樣，但之後的條件，卻很難達到共識，所以不如我先結婚，讓你看看我的標準是否成功，然後你才跟着做。」
咁他信即係話雙邊貿易談判成功後，多邊貿易談判可以有例可援，用咁輕鬆顯淺嘅例子，講解咁難明嘅貿易問題，他信真係有兩度。
傳真︰2623-9278
電郵︰