今年適逢澳門格蘭披治大賽50周年紀念，賽事將由11月8日開始，連續兩個周末、周日舉行，屆時將有多項既緊張又刺激嘅賽事，定能令車迷有目不暇給之感；當中嘅東望洋大賽，更會係每年賽事嘅焦點所在。而響今屆嘅東望洋大賽中，去年勇奪冠軍寶座嘅許士文，將會連同佢嘅寶馬320i戰車重臨濠江賽道，並夥拍其他寶馬320i戰車，力戰愛快147、標緻307、豐田Altezza及福特Focus等戰車，相信屆時勢必再掀起一場龍爭虎鬥。若然你對今屆澳門格蘭披治大賽感興趣，而又想知多啲關於呢方面嘅資料的話，不妨Click入www.macau.grandprix.gov.mo睇睇。
