成功人士有乜心得？噚日八方去中大商學院舉行嘅第六屆MBA「星級校友學長計劃」，學到唔少嘢。三十二位政商界領袖會協助中大培訓五十幾位MBA學生。八一年加入政府嘅公務員事務局常任秘書長黎高穎怡同八方講，當年大學一畢業就面對兩難抉擇，因為佢申請嘅政府工同中大MBA課程同時收咗佢。魚與熊掌之間，黎太選擇兼得，要求大學保留學位，做幾年嘢後返去讀書，結果喺八七年MBA畢業。
同樣做學長嘅東亞銀行執行董事兼副行政總裁彭玉榮，就要「煲冬瓜」，因為佢輔導嘅係一位內地學生宿建華，來自青島，彭玉榮話自己特登去港大校外進修課程讀過普通話，冇有怕。原來商界高層都咁勤力自我增值，師弟妹要學嘢喇。
（圖）黎高穎怡（左）為中大MBA擔任星級學長。
傳真︰2623-9278
電郵︰