11.23區選應該點投票？今日下午去中環遮打道行人專用區，參加香港民主發展網絡下晝四點至五點半舉辦嘅「民主匯」大集會，就可以攞張候選人評分表，揀選「頂瓜瓜」候選人。
民主匯叫啲選民記得帶眼帶腦去投下神聖一票，唔好再選啲好似豬咁懶、或者好「狗」嘅代表，今次搵到人氣急升嘅大律師梁家傑同理大講師黃碧雲呢對全新配搭做大會司儀。
想搵多個節目，可以提前一個鐘去遮打道，免費參與集體巨型畫創作，畫出心中希望。大會負責人朱耀明牧師同八方講，如果行過7.1嘅市民，今早咁啱去完保護海港嘅活動，或者去完添馬艦嘅家庭同樂日，不妨去埋遮打道行人專用區。
傳真︰2623-9278
電郵︰