拍攝那幾天，總是山雨欲來。大概是已來到10月中，哈囉喂嘩鬼逐步逼近。一班心口掛住個勇字的小朋友，誓闖位於海洋公園兒童王國的猛鬼陣。只是天陰陰原已令人心慌慌，這兩天的天氣又忽然轉冷，難道正預告今年的嘩鬼特別猛？果然，一陣涼風吹過，冷不防竟突然─出太陽?!你都咪話唔邪！
記者：月桂樹 攝影：大隻鬼亞力士
嚇鬼敢死隊一行6人，在時而晴、時而陰的路上走。還未步進兒童王國，沿路已經妖氣沖天，可怕事情隨時發生！
靜蓉同思俊兩姊弟一馬當先，拍晒心口大踏步。忽然背後「格格」聲響，冷不防還被鬼拍後尾枕！嘩！十幾呎高的可怕骷髏骨原來一直吊尾跟到實。靜蓉大叫：「神高神大，真係幾嚇人。啲骨又甩吓甩吓咁，好核突！」
「我係樹妖呀，企咗喺你後面都唔知，哈哈！」相機咔嚓一聲，樹妖就往晉諾的身上纏。恍然大悟的他，死橕話唔驚，但就棟篤企郁都唔敢郁。
「小朋友，我係稻草人！」年紀較大的小朋友較理智，面對稻草人驚都唔驚，重話：「我覺得佢好可憐，要成日扮稻草人陪我哋影相！」家陣啲細路真早熟！
妖怪攔路，好不容易才來到兒童王國。咦？點解同平時嘅氣氛有啲唔同嘅？梗係啦，今個萬聖節多咗稻草迷宮、淘氣鬼農莊同鬼馬小皇宮。講講吓，一眾小朋友，不知不覺間原來已跌入迷宮陣！
鬼馬小皇宮
農莊可以話係小小萬聖國嘅天堂，裏頭只有可愛嘅鴨仔、羊咩、牛牛……包無鬼怪失驚無神彈出嚟。
日期：即日至10月31日
開放時間：10:00am-6:00pm（逢周五、六、日延長至11:00pm）
票價：成人$180；小童（3-11歲）$90
查詢：25520291
