童愛玲早前去了台灣待產，上周四（十六日）她終於當媽媽，誕下一個重九磅八安士的男嬰，現時母子平安。
昨日仍然在當地醫院休養的童愛玲接受長途電話訪問說：「原本個BB冇咁快出世，禮拜四嗰晚，我同老公食完飯喺停車場攞車，唔小心跌倒，又擦傷隻腳，老公叫我最好去醫院檢查吓，咁去到醫院一檢查先知穿咗羊水，醫生話要即刻入產房生。」
原本童愛玲的丈夫王敦民沒打算陪太太分娩，但在醫生鼓勵下，他決定入產房，還全程緊握妻子的手，童愛玲說：「因為我選擇自然分娩，但個BB又大又重，我真係生得好辛苦，老公見我痛到喊得好大聲，嚇到一直捉住我對手，又同我講笑話，想分散我嘅注意力。𠵱家個BB順利出世，個仔英文名係Kyle，中文名就重未諗好。」
採訪：比華利