香港馬會噚日公布同澳門馬會合作大計，呢件有利兩地馬迷嘅大事，理應由主席夏佳理親自上陣宣布，但噚日就唔見佢蹤影，原來夏佳理飛咗去加勒比海主持愛丁堡獎勵計劃周年大會。
夏佳理十前年獲當時港督衞奕信邀請做香港區愛丁堡獎勵計劃（回歸後改名青年獎勵計劃）委員會成員，後來重做埋主席，三年前英女皇夫婿唔再擔任全球愛丁堡獎勵計劃主席，夏佳理就立即獲皇室委以重任，接替皇夫當上呢個青少年獎勵計劃嘅全球主席，夏佳理重因此獲英女皇欽點「加官晉爵」，獲頒授維多利亞司令勳章CVO勳銜，認真威水。
身為愛丁堡獎勵計劃全球主席，夏佳理要飛去加勒比海主持周年大會，結果噚日唔能夠親自宣布呢件大事，前日由佢負責調查嘅醫管局沙士檢討報告記者會亦冇露面，一於懶理香港嘅是非。
傳真︰2623-9278
電郵︰