現代人對豪華嘅追求，唔再係金碧輝煌嘅外表，正如全新日產Cefiro首席設計師中島敬所講：「並不側重於高性能或傳統嘅豪華，而係以車廂嘅舒適感為大前提，發揮中型房車嘅本質魅力。」反璞歸真、擁有欣賞生活本質嘅閒情、心懷審美嘅智慧，才稱得上係現代人最重視嘅心靈財產；呢種對豪華嘅新態度，廠方稱之為ModernLiving，而快將抵港嘅新一代Cefiro，亦正好將呢個概念，完全呈現響大家眼前。
咁究竟如何將ModernLiving呢種概念，融入新車嘅設計之中呢？其實只需將一切回歸基本，毋須太多花巧設計便可，務求以簡單嘅方法，表達出最精緻嘅質感。例如，廠方設計師不但對新車用料有嚴格要求外，為要達至營造舒適感嘅目的，佢哋更用上和式家居常用嘅直紋木材，來代替一般嘅桃木裝飾等等，從而令置身於車上嘅乘客，可感受到一種簡單就是美嘅觀感。